Avval xabar berilganidek, joriy yilning 21–25-may kunlari Xitoy Xalq Respublikasining Sinyan shahrida bo‘lib o‘tgan Uchinchi O‘zbekiston – Xitoy hududlararo hamkorlik forumida Xalq deputatlari Parkent tuman Kengashiga 23-«Nomdanak» saylov okrugidan saylangan deputat, tuman hokimi Elmurod Po‘latov boshchiligidagi delegatsiya ishtirok etgan edi.Mazkur forum doirasida qator yirik kompaniyalar bilan o‘zaro manfaatli hamkorlik aloqalari yo‘lga qo‘yilib, istiqbolli investitsiya loyihalari bo‘yicha kelishuvlarga erishilgan hamda tegishli shartnomalar imzolangan.Kelishuvlarni amaliy bosqichga olib chiqish maqsadida Xitoy Xalq Respublikasining TRANQUILITY DEVELOPMENT kompaniyasi vakillari Parkent tumanida bo‘lib, mas’ullar bilan uchrashuv o‘tkazdilar.Uchrashuv davomida hamkorlikda amalga oshirilishi rejalashtirilgan loyihalar batafsil
muhokama qilinib, ularning iqtisodiy samaradorligi, amalga oshirish mexanizmlari va bosqichlari yuzasidan fikr almashildi.Shuningdek, istiqboldagi hamkorlik yo‘nalishlari belgilab olinib, investitsiya loyihalarini jadallashtirish hamda ularni samarali amalga oshirish bo‘yicha zarur chora-tadbirlar yuzasidan kelishuvlarga erishildi.Mazkur hamkorlik Parkent tumaniga yangi investitsiyalarni jalb etish, zamonaviy ishlab chiqarish quvvatlarini yaratish,iqtisodiy faollikni oshirish hamda aholi uchun yangi ish o‘rinlarini tashkil etishda muhim ahamiyat kasb etadi.