Aholining farovon turmush kechirishi uchun avvalo, infrastruktura va ijtimoiy soha ob'ektlarini yaxshilash, obod manzillar yaratish, bu orqali hududlarning rivojlanishi, kelajak avlodning sifatli ta'lim-tarbiya olishi uchun shart-sharoitlar yaratishga qaratilgan ishlar Beruniy tumanida ham davom etmoqda.

Islom taraqqiyot banki va OPEK xalqaro jamg‘armasi mablag‘lari hisobidan “Qishloq joylarini barqaror rivojlantirish” loyihasini amalga oshirish chora-tadbirlari to‘g‘risida” gi PQ-5246-son qarorga asosan, Shimom ovul fuqarolar yig'inida bir qancha ishlar bajarilmoqda.

Ijtimoiy soha obe'ktlaridagi qurilish ishlarining sifatli olib borilishi va o'z vaqtida foydalanishga topshirilishi bo'yicha Qoraqalpog'iston Respublikasi Jo'qorg'i Kengesiga OzXDP dan saylangan deputat K.Xodjamuratov, Xalq deputatlari Beruniy tumani Kengashi kotibiyati mudiri M.Qadirov hamda Xalq deputatlari Beruniy tumani kengashiga O’ZXDP dan saylangan deputat M.Tajimova o'rganish ishlarini olib bordi.
Mahalla yettiligi bilan suhbat jarayonida fuqarolardan kelib tushayotgan murojaatlarning o'z vaqtida hal qilinishi uchun hududdan saylangan deputatlar bilan yaqindan hamkorlik qilish bo'yicha kelishib olindi. Shuningdek, investitsiya dasturi asosida 90 o'ringa mo'ljallab qurilgan va 2025 yilda ish faoliyatini boshlagan 58-sonli davlat maktabgacha ta'lim tashkilotidagi “Xayr bog'cham” tadbirida ishtirok etib, bolajonlarni tabrikladi.