Ijtimoiy reyestrdagi oila holati o‘rganildi 

Xalq deputatlari Qo‘shko‘pir tumani Kengashi deputati Zamira Raximova
Bog‘zor mahallasi ijtimoiy xodimi Iroda Xolmatova bilan hamkorlikda
mahallada ijtimoiy reyestrda turuvchi oilalarning ijtimoiy-maishiy sharoitini
o‘rganish maqsadida Vatandoshlar ko‘chasi 207-uyda yashovchi Nurmetova
Ikboljon Eshokuliyeva xonadonida bo‘ldilar. 

O‘rganish davomida oilaning ijtimoiy va maishiy sharoiti, mavjud muammolari
hamda ehtiyojlari bilan yaqindan tanishildi. Fuqaroning murojaat va takliflari
tinglanib, aniqlangan masalalarni qonunchilikda belgilangan tartibda hal etish,
oilani ijtimoiy qo‘llab-quvvatlash va zarur ko‘mak choralarini ko‘rish
yuzasidan tegishli tavsiyalar berildi. 

Deputat tomonidan mazkur oilaning muammolarini o‘z vaqtida hal etish,
ijtimoiy himoya choralarining manzilliligini ta’minlash hamda deputatlik
nazorati asosida masalalarning ijrosini kuzatib borish belgilandi.