MAHALLADA KAMBAG‘ALLIKNI QISQARTIRISH ISHLARI O‘RGANILDI

Xalq deputatlari Termiz tuman Kengashi kotibiyati mutaxassisi K. Abdullayeva tomonidan tuman Kengashining 2-Yangi O‘zbekiston saylov okrugi deputati O‘. Omonov saylangan Yangiobod MFY hududida o‘rganish ishlari olib borildi.

O‘rganish davomida mahalliy Kengash deputati faoliyatining eng muhim yo‘nalishlari bo‘yicha tavsiyalar asosida mahallada Hokim yordamchilari tomonidan amalga oshirilayotgan ishlarning samaradorligi tahlil qilindi.

Xususan, aholini kambag‘allikdan chiqarish, fuqarolarni doimiy daromad manbai bilan ta’minlash, bandligini oshirish hamda tadbirkorlik faoliyatini yo‘lga qo‘yish borasida amalga oshirilayotgan ishlar bilan yaqindan tanishildi.

Shuningdek, mavjud muammolarni aniqlash, ularni bartaraf etish bo‘yicha tegishli tavsiyalar berilib, aholining ijtimoiy-iqtisodiy holatini yaxshilashga qaratilgan ishlarni yanada kuchaytirish zarurligi ta’kidlandi.

Aholi farovonligini oshirish va kambag‘allikni qisqartirish — mahalliy Kengash deputatlarining doimiy e’tiboridagi ustuvor vazifalardan biridir.