AHOLINING ELEKTR TA’MINOTINI YAXSHILASH — E’TIBOR MARKAZIDA

Xalq deputatlari Termiz tuman Kengashi 1-Xalqabod saylov okrugi deputati N. Ro‘ziyeva saylangan Orol MFY hududida mahalliy Kengash deputati faoliyatining eng muhim yo‘nalishlari bo‘yicha tavsiyalarga muvofiq, aholining elektr energiyasi ta’minotini yaxshilash borasida amalga oshirilayotgan ishlar o‘rganildi.

O‘rganish jarayonida Kengash kotibiyati mudiri A. Avliyakulov hamda tuman hokimligi mutaxassisi ishtirok etib, hududdagi elektr ta’minoti holati, mavjud muammolar va ularni bartaraf etish bo‘yicha amalga oshirilayotgan ishlar bilan tanishdilar.

🔎 Aholini elektr energiyasi bilan barqaror ta’minlash, aniqlangan muammolarni o‘z vaqtida bartaraf etish hamda mavjud kamchiliklar yuzasidan tegishli choralarni ko‘rish bo‘yicha masalalar muhokama qilindi.

⚡️ Aholining elektr ta’minotini yaxshilash — farovon hayot va hudud infratuzilmasini rivojlantirishning muhim omilidir.