HAFTALIK FAOLIYAT TAHLIL QILINIB, NAVBATDAGI VAZIFALAR BELGILANDI

Xalq deputatlari Termiz tuman Kengashi kotibiyati mudiri tomonidan kotibiyat xodimlari ishtirokida o‘tgan hafta davomida amalga oshirilgan ishlar, erishilgan natijalar hamda mavjud kamchiliklarni tahlil qilishga bag‘ishlangan yig‘ilish o‘tkazildi.

Yig‘ilishda deputatlar faoliyatini tashkiliy jihatdan ta’minlash, deputatlik nazoratini kuchaytirish, fuqarolar murojaatlari bilan ishlash, deputatlarning saylov okruglaridagi faoliyatini tizimli yo‘lga qo‘yish hamda amalga oshirilayotgan ishlarni ommaviy axborot vositalari va ijtimoiy tarmoqlarda keng yoritish masalalariga alohida e’tibor qaratildi.

Shuningdek, ishlashni talab etayotgan yo‘nalishlar bo‘yicha mavjud muammolar muhokama qilinib, ularni bartaraf etish yuzasidan mas’ullarga tegishli topshiriq va vazifalar belgilab berildi.

Yig‘ilish yakunida ushbu hafta uchun ustuvor vazifalar belgilanib, har bir yo‘nalish bo‘yicha ishlarni sifatli va o‘z vaqtida tashkil etish, ijro intizomini mustahkamlash hamda deputatlar faoliyatining samaradorligini yanada oshirish bo‘yicha aniq vazifalar belgilandi.