Xalq deputatlari Yangiobod tuman Kengashi raisi, deputat X. Tilakov tomonidan Sarmich mahallasida xotin-qizlarni tadbirkorlikka jalb etish, ularning bandligini ta’minlash hamda oilalar uchun qo‘shimcha daromad manbalarini yaratish masalalari o‘rganildi.

✅ O‘rganish davomida mahalladagi xotin-qizlarning mavjud imkoniyatlari, tadbirkorlik faoliyatini boshlashga bo‘lgan qiziqishi, kasb-hunar va ko‘nikmalari, shuningdek, daromad manbalarini yaratish imkoniyatlariga e’tibor qaratildi.

✅ Ayniqsa, tadbirkorlik bilan shug‘ullanish istagidagi xotin-qizlarni aniqlash, ularni amaliy qo‘llab-quvvatlash va imtiyozli kredit mablag‘laridan samarali foydalanish masalalari muhokama qilindi. Kredit mablag‘larini shunchaki olish emas, balki ularni aniq daromad keltiruvchi loyihalarga yo‘naltirish muhimligi ta’kidlandi.

📌 Deputat tomonidan xotin-qizlarning tadbirkorlik tashabbuslarini qo‘llab-quvvatlash, ularni mavjud imtiyoz va imkoniyatlardan foydalanishga yo‘naltirish, bandligini ta’minlash hamda oilaviy daromadlarini oshirish bo‘yicha tegishli tavsiyalar berildi.

🤝 Shuningdek, mahallada xotin-qizlar bilan individual ishlash, tadbirkorlikka qiziqishi mavjud fuqarolarni aniqlash, ularning tashabbuslarini amaliy jihatdan qo‘llab-quvvatlash va mavjud muammolarni mas’ullar bilan hamkorlikda bartaraf etish yuzasidan tavsiyalar bildirildi.

📊 Xotin-qizlar bandligini ta’minlash — faqat ish o‘rni yaratish emas, balki oilaga barqaror daromad manbaini shakllantirishdir. Shu bois bu yo‘nalishdagi ishlarning amaliy natijadorligiga alohida e’tibor qaratilishi belgilandi.