Xalq deputatlari Yangiobod tuman Kengashi raisi, deputat X. Tilakov hamda tuman Kengashi deputati G. Raimova Sarmich mahallasida ajrim yoqasida turgan xotin-qizlarning oilaviy va ijtimoiy holati masalasini mahalla faollari bilan birgalikda muhokama qildi.

Muhokama davomida ajrimga olib kelishi mumkin bo‘lgan oilaviy kelishmovchiliklarning sabablari, bunday oilalar bilan manzilli ishlash, muammolarni o‘z vaqtida aniqlash va ularning oldini olish masalalariga alohida e’tibor qaratildi.

🤝 Mahalla faollari bilan hamkorlikda har bir oilaning holatini individual o‘rganish, xotin-qizlarni qo‘llab-quvvatlash, zarur hollarda tegishli mutaxassislarni jalb etish hamda oilalarni yarashtirishga qaratilgan amaliy choralarni kuchaytirish yuzasidan fikr almashildi.

📌 Shuningdek, muammoli oilalar bilan tizimli ishlash, ularning ijtimoiy muammolarini bartaraf etish, oilaviy totuvlikni mustahkamlash va ajrimlarning oldini olish bo‘yicha tavsiyalar berildi.

✅ Muhokama yakunida ajrim yoqasidagi oilalar bilan ishlashda mahalla faollari, mas’ul tashkilotlar va deputatlarning hamkorligini kuchaytirish muhimligi ta’kidlandi.

✅ Mazkur masala deputatlik nazorati doirasida alohida e’tiborda bo‘ladi.

Oilani asrash — farzandlar kelajagini asrashdir!