DEPUTAT SAYLAWSHILAR MENEN USHIRASTI

⚡️ Deputatı T.Palvaniyazova tárepinen saylaw okruginde saylawshılar menen ushırasıw ótkerildi. Ushırasıw dawamında xalıqtıń kúndelikli turmısında ushırasıp atırǵan mashqalalar, bar sociallıq-turmıslıq máseleler jáne aymaqtı abadanlastırıw hám infrastrukturanı jaqsılawǵa baylanıslı máseleler úyrenildi.

Ushırasıwda puqaralardıń múrájat hám usınısları tıńlanıp, olardı sheshiw boyınsha juwapker shólkemler menen birgelikte ámeliy ilajlar kóriw zárúr ekenligi atap ótildi. Sonday-aq, xalıqtı qıynap atırǵan máselelerdi tiyisli tártipte Keńes sessiyaları hám turaqlı komissiyalardıń dodalawına kirgiziw boyınsha wazıypalar belgilep alındı.

Deputat saylawshılar menen turaqlı qarım-qatnastı jolǵa qoyıw, olardıń múrájatların ornında úyreniw hám anıq sheshimin talap etetuǵın mashqalalardı qadaǵalawǵa alıw áhmietli ekenligin atap ótti.

Ushırasıw juwmaǵında bildirilgen hár bir múrájat hám usınıs boyınsha tiyisli ilajlardı ámelge asırıw, nátiyjelerin úyreniw hám saylawshılarǵa málim etiw belgilep alındı.