Kuz-qish mavsumi oldidan mahalla hududidagi ichki yo‘llarning holati, aholining harakatlanishi uchun yaratilgan sharoitlar hamda yo‘llardan foydalanishdagi qulayliklar o‘rganildi.
Shu maqsadda Xalq deputatlari Shovot tumani Kengashining 24-Gulshan saylov okrugidan saylangan deputati Masharipov Izzat Masharipovich hamda Xalq deputatlari Xorazm viloyati Kengashining 36-Monoq saylov okrugidan saylangan deputati Ishchanov Alibek Raximberganovich tomonidan Qo‘shko‘pir mahallasida o‘rganish ishlari olib borildi.
O‘rganish davomida mahalladagi ichki yo‘llarning mavjud holati, ayniqsa, kuz-qish mavsumida aholining xavfsiz va qulay harakatlanishini ta’minlash masalalariga alohida e’tibor qaratildi.
Aniqlangan muammolarni bartaraf etish, yo‘llarning holatini yaxshilash hamda aholi uchun qulay shart-sharoitlar yaratish yuzasidan tegishli takliflar bildirildi.