#doimiy_komissiya_Uchtepa #deputatlik_faoliyati #ekspert_guruhlari

“TASHABBUSLI BYUDJET” LOYIHALARI MUHOKAMA QILINDI

🇺🇿 Xalq deputatlari Uchtepa tumani Kengashining mahalliy byudjet, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiyasining navbatdagi yig‘ilishi bo‘lib o‘tdi.

🕯 Yig‘ilishda “Tashabbusli byudjet” jarayonining 2026-yil 2-mavsumida g‘olib bo‘lgan loyihalar bo‘yicha masalalar atroflicha ko‘rib chiqildi.

↗️ Xususan, g‘olib loyihalarning manzilli dasturini shakllantirish, shuningdek, ularni belgilangan tartibda moliyalashtirish masalalari muhokama qilindi.

📈 Yig‘ilish davomida loyihalarni o‘z vaqtida va sifatli amalga oshirish, ajratilgan mablag‘lardan samarali foydalanish hamda aholining tashabbuslarini qo‘llab-quvvatlash yuzasidan tegishli takliflar bildirildi.

💼 Mazkur doimiy komissiya yig'ilishida xalq deputatlari Uchtepa tumani Kengashi huzuridagi ekspert guruhi a’zolari, tuman Kengashi kotibiyati bosh mutaxassislari U.Abilov va Z.Kuziyevalar ham ishtirok etdilar.

🧠 “Tashabbusli byudjet” doirasida fuqarolar tomonidan ilgari surilgan loyihalarning amaliy ijrosini ta’minlash hamda hududlarda aholi uchun qulay shart-sharoitlar yaratishga qaratilgan ishlar davom ettiriladi.