📌 Yoshlar tomonidan ko‘tarilgan masalalar va murojaatlar tahlil qilindi

Xalq deputatlari tuman Kengashi kotibiyati bosh mutaxassisi J.Butayev hamda Yoshlar maslahat guruhi a’zosi S.Soatova ishtirokida navbatdagi ishchi uchrashuv o‘tkazildi.
Uchrashuv davomida tuman yoshlari tomonidan ijtimoiy tarmoqlar, sayyor qabullar hamda shaxsiy murojaatlar orqali ko‘tarilgan dolzarb muammolar va takliflar atroflicha tahlil qilindi. Unda yoshlarning bandligini ta’minlash, tadbirkorlik tashabbuslarini qo‘llab-quvvatlash, bo‘sh vaqtlarini mazmunli tashkil etish hamda hududlarda sport maydonchalarini barpo etishga oid masalalarga alohida e’tibor qaratildi.
O‘rganish yakunlari bo‘yicha yoshlar yetakchilari va mas’ul tashkilotlar hamkorligida tizimli yechim talab etadigan masalalarni hal etish choralarini belgilash hamda ularni xalq deputatlari tuman Kengashining doimiy komissiyalari muhokamasiga kiritish bo‘yicha tegishli takliflar shakllantirildi.