📌 Oyqor QFYda fuqarolar murojaatlari joyida o‘rganildi
Xalq deputatlari Baxmal tuman Kengashi kotbiyati mudiri B. Amanov tuman hokimligi hamda Kadastrlar palatasi tuman filiali mutaxassislari ishtirokida “Oyqor” QFY aholisi uchun sayyor uchrashuv o‘tkazdi.
Muloqot davomida fuqarolarning yer-joy, kadastr hujjatlarini rasmiylashtirish, chegaradosh hududlar daxlsizligi hamda ijtimoiy infratuzilmani yaxshilashga oid murojaatlari joyiga chiqqan holda tahlil qilindi.
Ko‘tarilgan masalalarning muayyan qismi mutaxassislar ishtirokida joyida huquqiy yechim topgan bo‘lsa, qo‘shimcha o‘rganish talab etadigan tizimli arizalar qat’iy nazoratga olinib, ijrosini ta’minlash bo‘yicha mas’ullarga topshiriqlar berildi.