Bugun Muborak tumani Politexnikumida “Bo‘sh ish o‘rinlari mehnat yarmarkasi” bo‘lib o‘tdi.

Mazkur mehnat yarmarkasida bir qator tashkilot va korxonalar hamda xususiy bandlik agentliklari o‘zlarida mavjud bo‘sh ish o‘rinlari bilan ishtirok etdi.

Yarmarkada Xalq deputatlari Muborak tumani Kengashi raisi N. Yusupov, kotibiyat mudiri A. Qurbonov, bosh mutaxassis T. Avezov hamda deputatlar O. Abdiyeva, N. Komilova hamda O‘zbekiston Xalq demokratik partiyasi tuman kengashi raisi B.Choriyevlar qatnashib, tumandagi ishsiz yoki band bo‘lmagan yoshlar bilan suhbatlar o‘tkazdi.

Tadbir davomida fuqarolarga mavjud ish o‘rinlari, kasb-hunar o‘rganish imkoniyatlari hamda bandlikni ta’minlashga qaratilgan dasturlar haqida batafsil ma’lumotlar berildi.

Yarmarka aholining, ayniqsa yoshlarning bandligini ta’minlash, ularni doimiy ish bilan ta’minlashda muhim ahamiyat kasb etdi.