Búgin Ózbekstan Ekologiyalıq partiyasınan rayonlıq Keńeske saylanǵan deputat Almagul Pirjanova hám sekretariat qánigeleri tárepinen "Ózbekstan" mákan puqaralar jıyını aymaǵında jasawshı puqara Qaldawov Axmettiń shańaraǵında bolıp, qıytaq jerden nátiyjeli paydalanıw jaǵdayı úyrenildi.

Úyreniw barısında shańaraqta shólkemlestirilgen ıssıxana jumısı menen tanıstı. Onda hár qıylı palız ónimleri jetistirilip atırǵanı, sonday-aq, qıytaq jerde júzim, alma, qáreli, badam sıyaqlı miyweli terekler tárbiyalanıp atırǵanı málim boldı.

Bunday miynetkesh puqaralardıń háreketleri tek ǵana óz shańaraǵınıń abadanlıǵın támiyinlewge emes, al xalıqtı tábiyǵıy hám sapalı azıq-awqat ónimleri menen támiyinlewge de xızmet etpekte.

Hár bir qarıs jerden ónimli paydalanıw arqalı shańaraqlardıń dáramatın arttırıw, ishki bazardı jergilikli ónimler menen támiyinlew hám azıq-awqat qáwipsizligin bekkemlewge erisiw múmkin ekenin atap ótiw kerek.