🔰O‘zbekiston Respublikasi Oliy Majlisi Senatining 2025-yil 14-yanvardagi KQ-35-V-son qarori ijrosini ta’minlash maqsadida hududlarda tizimli ishlar olib borilmoqda. Qaror hududlarni rivojlantirish, aholi murojaatlari bilan ishlash samaradorligini oshirish hamda mahalliy Kengash deputatlari va Senatorlarning “mahalla yettiligi” bilan hamkorligini kuchaytirishga qaratilgan

✅Shu asosda Xalq deputatlari Chinoz tuman Kengashi deputatlarining saylov okruglarida belgilangan reja-jadvalga asosan uchrashuvlar tashkil etilmoqda.

♻️25-Amir Temur saylov okrugidan saylangan deputat Abdurashid Arslanov tomonidan tumandagi Amir Temur mahallasida fuqarolar bilan navbatdagi ochiq muloqot uchrashuvi o‘tkazildi. Uchrashuv jarayonida hududda amalga oshirilgan obodonlashtirish ishlari, yo‘llarni ta’mirlash, infratuzilmani yaxshilash, ichimlik suvi, elektr va gaz ta’minoti, shuningdek ijtimoiy sohadagi masalalar yuzasidan ma’lumotlar berildi.

❇️Yig'ilishda tegishli tashkilot vakillari ishtirok etishdi. Uchrashuv yakunida mahalladagi dolzarb muammolar muhokama qilinib, ularni hal etish bo‘yicha aniq chora-tadbirlar belgilab olindi.