Xalıq deputatları Bozataw rayonlıq Keńesi, 14-sanlı “Shaxaman” okrugi (ÓzXDP) saylanǵan deputatı, A.Ablakumov “Kók suw” APJ imaratında puqaralar menen ushırasıwı bolıp ótti. 

Ushırasıw barısında deputat A.Ablakumov Qaraqalpaqstan Respublikası ushın qabıl etilgen Qarar hám Pármanlar hámde Joqarǵı Keńesi tárepinen rayonlardı sociallıq-ekonomikalıq jaqtan rawajlandırıw boyınsha qabıl etilgen qararlar haqqında keń túrde túsinik berdi. 

Atap aytqanda, ushırasıwda xalıqqa jasaw ushın qolaylı shárt sharayatlar jaratıw, Respublika, qala hám rayonlarınıń kelbetin hám infrastrukturasın jaqsılaw, kámbaǵallıqtı
kemeytiw, bántlik, xalıq ushın zárúr bolǵan gaz, elektr, ishimlik suw tarmaqları, ishki jollardı ońlaw máselelerine dıqqat awdarıldı. 

Joqarıdaǵı máselelerde puqaralarımız tárepinen bildirilgen mashqalalardı tez arada unamlı sheshiw boyınsha tiyisli mámleketlik organlarǵa, mákeme hám kárxanalarǵa tapsırmalar beriltuǵınlıǵın atap ótti.  

Ushırasıw sońında deputat A.Ablakumov jeke qabıllawında, aymaqtaǵı mashqalaları hám olardı sheshiw boyınsha ámeliy iláj kóretuǵınlıǵın bildirdi. 

Sonday-aq, deputat tárepinen puqaralar jıyınlarındaǵı mashqalalı máselelerdi orınlarǵa shıǵıp, úyreniw jumısların ótkerdi.