Xalq deputatlari Farg‘ona viloyati Kengashi deputati M.Xurboyev, tuman Kengashi deputati R.Yegitaliyev hamda Kengash Kotibiyati bosh mutaxassisi A.Ismoilovlar tomonidan tumandagi dehqon bozorida o‘rganish ishlari olib borildi.

🔷 Mazkur o‘rganish davomida aholi iste’moli uchun zarur bo‘lgan asosiy oziq-ovqat mahsulotlarining narx-navosi, bozordagi mahsulotlar bilan ta’minlanganlik darajasi hamda sanitariya holati tahlil qilindi. Shuningdek, savdo rastalarida mahsulotlar sifati, ularning saqlanish sharoiti va gigiyenik talablarga rioya etilishi holati ham ko‘zdan kechirildi.

🔷 Deputatlar tomonidan bozorda narxlar barqarorligini ta’minlash, aholiga sifatli va xavfsiz oziq-ovqat mahsulotlarini yetkazib berish, shuningdek, sanitariya-epidemiologiya talablariga qat’iy amal qilish yuzasidan bozor ma'muriyatiga zarur tavsiya va ko‘rsatmalar berildi.

✅ O‘rganish yakunlariga ko‘ra, tuman Kengashi deputati R.Yegitaliyev tomonidan bozor ma’muriyati xodimlariga mavjud holat yuzasidan tegishli xulosalar taqdim etilib, aniqlangan kamchiliklarni bartaraf etish bo‘yicha aniq chora-tadbirlar belgilab berildi.