Tashrif davomida deputatlar maktab faoliyati, o‘quv jarayoni, sinf xonalari va ta’lim muassasasida yaratilgan shart-sharoitlar bilan yaqindan tanishdilar.

 Bundan tashqari, tashrif davomida yaqinda foydalanishga topshirilgan 360 o‘rinli yangi o‘quv binosini ko‘zdan kechirishdi.

 O‘quvchilar bilan bo‘lib o‘tgan uchrashuvda deputatlar bugungi kunda mamlakatimizda berilayotgan imkoniyatlar va ularni unumli foydalanib, yutuqlarga erishayotgan shogirdlar misollarini keltirdilar.

 Shu bilan birga, uchrashuvda kitobning shaxsni ma’naviy yuksaltirishda, jaholatga qarshi kurashda eng muhim vosita ekanligi ta’kidlandi va o‘quvchilarni ko‘proq kitob mutolaa qilishga chaqirdilar.

 Tashrif yakunida deputatlar maktabdagi a’lo baholarga o‘qiyotgan faol o‘quvchilarga o‘z shaxsiy kutubxonalaridan badiiy kitoblar sovg‘a qildilar.

 Mazkur tashrif ta’lim sifatini oshirish, o‘quvchilarni bilimga, kitobga va ilmga rag‘batlantirishga xizmat qiladi.