O‘rganish jarayonida bozordagi savdo faoliyati, mahsulotlar sifati va ularning narxlari aholining xarid qobiliyatiga qay darajada mos kelayotgani alohida e’tiborga olindi. Shuningdek, ayrim holatlarda qishloq xo‘jaligi mahsulotlarini plastik kartochkalar orqali sotish amaliyoti mavjudligi kuzatilib, bu esa ayrim noqulayliklarni keltirib chiqarishi mumkinligi qayd etildi.

Deputat tomonidan mas’ul tashkilot vakillariga qishloq xo‘jaligi mahsulotlarini naqd pulda ham erkin savdoga chiqarish, aholiga qulay sharoit yaratish hamda sun’iy narx-navoning oshishiga yo‘l qo‘ymaslik bo‘yicha tizimli nazorat tadbirlarini kuchaytirish zarurligi yuzasidan takliflar bildirildi.

Shu bilan birga, bozorlarda narxlarning asossiz oshib ketishining oldini olish, vositachilikni qisqartirish va ishlab chiqaruvchidan iste’molchiga to‘g‘ridan-to‘g‘ri yetkazib berish mexanizmlarini kengaytirish muhimligi ta’kidlandi.

Mazkur nazorat tadbirlari aholining ijtimoiy himoyasini kuchaytirish, oziq-ovqat xavfsizligini ta’minlash hamda ichki bozorda barqaror narx siyosatini yuritishga xizmat qiladi.