Deputat tomonidan yoshlar bo‘yicha o‘rganish o‘tkazildi

Xalq deputatlari Yakkasaroy tumani Kengashi 22-Oqsaroy saylov okrugi deputati Ziyarxodjayev Batir Nasrullayevich tomonidan Yunus Rajabiy nomli mahallada yoshlar bilan ishlash tizimi samaradorligini oshirishga qaratilgan hujjatlar ijrosi yuzasidan o‘rganish olib borildi.

🔍 Jumladan, quyidagi normativ-huquqiy hujjatlar ijrosi tahlil qilindi:

— O‘zbekiston Respublikasi Prezidentining “Mahallalarda yoshlar bilan ishlash tizimi samaradorligini oshirishga doir chora-tadbirlar to‘g‘risida” 2025-yil 10-sentabrdagi PF-163-son Farmoni;

— O‘zbekiston Respublikasi Prezidentining “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida” 2022-yil 19-yanvardagi PQ-92-son Qarori;

— O‘zbekiston Respublikasi Prezidentining “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to‘g‘risida” 2024-yil 4-dekabrdagi PQ-421-son Qarori.

👥 O‘rganish davomida mahalla yoshlar yetakchisi tomonidan amalga oshirilayotgan ishlar, yoshlar bilan ishlash tizimining amaldagi holati hamda uning samaradorligi atroflicha ko‘rib chiqildi.

📊 Shuningdek:

✔️ yoshlarning bandligini ta’minlash, ularni kasb-hunarga yo‘naltirish va doimiy ish o‘rinlari bilan ta’minlash;

✔️ ularni sport va ijtimoiy faoliyatga keng jalb etish, sog‘lom turmush tarzini targ‘ib qilish;

✔️ iqtidorli yoshlarni aniqlash, qo‘llab-quvvatlash va ularning salohiyatini ro‘yobga chiqarish;

✔️ yoshlar o‘rtasida huquqbuzarliklarning oldini olish, ma’naviy-ma’rifiy ishlarni kuchaytirish;

✔️ mahallada yoshlar bilan ishlash tizimini yanada takomillashtirish, mavjud muammolarni bartaraf etish va samaradorlikni oshirish masalalariga alohida e’tibor qaratildi.

📌 O‘rganish yakunlari bo‘yicha tegishli taklif va tavsiyalar ishlab chiqilib, ijro intizomini yanada kuchaytirish yuzasidan zarur choralar belgilandi.

🤝 Mazkur o‘rganishda Xalq deputatlari Yakkasaroy tumani Kengashi kotibiyati bosh mutaxassisi Adashboyev Aziz Ag‘zam o‘g‘li ham ishtirok etdi.