Tumanda amalga oshirilayotgan loyihalar Kengash raisi nazoratida. 

  Xalq deputatlari Pop tuman Kengashi raisi N.Abrorov tomonidan hududlarda amalga oshirilayotgan qurilish va obodonlashtirish ishlarini tizimli
ravishda nazorat qilish maqsadida Xo‘jaobod mahalla fuqarolar yig‘inida barpo etilayotgan yangi bino qurilish jarayoni o‘rganildi.  

  Tashrif davomida mahalla binosining qurilish ishlari holati, bajarilayotgan ishlar sifati hamda qurilish muddatlariga rioya etilishiga alohida
e’tibor qaratildi.  

  Mas’ullar bilan suhbatda qurilishda zamonaviy talablar asosida sifatli materiallardan foydalanish, binoda aholiga qulay shart-sharoitlar
yaratish muhimligi ta’kidlandi.   

Mahalla binosida fuqarolar murojaatlarini qabul qilish uchun qulay xonalar, yoshlar va xotin-qizlar bilan ishlashga mo‘ljallangan alohida
joylar tashkil etilishi, binoda zamonaviy kommunikatsiya tizimlarini joriy etish masalalari ko‘rib chiqildi. 

  Kengash raisi qurilish ishlarini o‘z vaqtida va sifatli yakunlash bo‘yicha mas’ullarga tegishli ko‘rsatmalar berdi.