📍 Baxmal tumanidagi "Xalqsevar" va "Navro‘z" manzillarida gaz bosimi muammosi deputat nazoratiga olindi

Baxmal tumani “Bog‘ishamol” va “Istiqlol” mahalla fuqarolar yig‘inlarida o‘tkazilgan navbatdagi saylovchilar bilan o'tkazilgan sayyor qabulda aholi tomonidan muhim murojaat kelib tushdi. “Xalqsevar” va “Navro‘z” aholi yashash manzillarida tabiiy gaz tarmoqlari o‘z vaqtida tartibsiz tortilganligi sababli, xonadonlarda gaz bosimi pasayib ketgan. Bu esa aholi uchun noqulayliklar tug‘dirmoqda.

Mazkur muammoni joyida o‘rganish va bartaraf etish maqsadida tuman Kengashi deputati F.Anorboyev tomonidan gaz ta’minoti korxonasi rahbariyatiga deputatlik so‘rovi yuborildi.

📩 So‘rovda

🔹 Gaz tarmoqlarini texnik ko‘rikdan o‘tkazish;

🔹 Tartibsiz tortilgan quvurlarni tartibga keltirish;

🔹 Gaz bosimini me’yoriga ko‘tarish choralarini ko‘rish.

Aholi murojaati va gaz ta’minotidagi kamchiliklarni bartaraf etish jarayoni deputatlik nazoratida bo‘ladi.