🔹Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Respublikasi Prezidentining 2024-yil 5-martdagi PQ-115-son qaroriga asosan tumanning “Tovoqsoy” mahallasida aholi tomorqasida ochiq va yopiq usulda qishloq xo‘jaligi mahsulotlari yetishtirish borasida amalga oshirilayotgan ishlar xalq deputatlari Bo‘stonliq tumani Kengashi deputati J.Sadirov tomonidan hokim yordamchisi Sh.Shoraximov O‘zbekiston mahallalari uyushmasi tuman bo‘limi boshlig‘i M.Ashurov, kotibiyat xodimi M.Tursunbayeva tomonlaridan o‘rganildi.

🔹O‘rganish davomida mahallaning Markaziy ko‘chasida istiqomat qiluvchi fuqaro Botir Djanibekovning jami 0,08 gektar hajmdagi tomorqa yerida piyoz, sabzi, sarimsoqpiyoz, ko‘kat va boshqa ekinlar ekilganligi, kichik turdagi issiqxonada qulupnay, bodring, limon yetishtirilayotganligi, shuningdek, bodom, shaftoli, olma kabi mevali daraxt ko‘chatlarini payvandlash usuli orqali parvarishlash, tok ko‘chatlarining bir necha navlarini yetishtirish ishlari tashkillashtirilganligi aniqlandi. 

🔹Fuqaroning o‘z tomorqa yeridan samarali va unumli foydalanish tajribasini boshqa xonadonlarda ham tashkil etish bo‘yicha tavsiyalar berildi.