Bahorgi gul ekish mavsumi doirasida shahar hududlariga ekilishi rejalashtirilgan gullarning holatiga alohida e’tibor qaratildi. Jumladan, ko‘chatlarning sifatli parvarishi, ularni iqlim sharoitiga moslashtirish, o‘z vaqtida sug‘orish hamda agrotexnik tadbirlarni to‘g‘ri tashkil etish masalalari muhokama qilindi.

Shuningdek, shahar ko‘chalari, xiyobonlar va jamoat joylarini yanada go‘zal va ko‘rkam qilish maqsadida gul ekish ishlarini tizimli yo‘lga qo‘yish, navlarni to‘g‘ri tanlash hamda parvarish sifatini oshirish bo‘yicha mas’ullarga aniq vazifalar belgilab berildi.

 Mazkur ishlar Samarqand shahrining obodligi va ekologik muhitini yanada yaxshilashga xizmat qiladi.