Doimiy komissiyaning navbatdagi yig‘ilishi bo‘lib o‘tdi 

Xalq deputatlari Quva tuman Kengashining “Korrupsiyaga qarshi kurashish va
xavfsizlik masalalari bo‘yicha” doimiy komissiyasining navbatdagi yig‘ilishi
bo‘lib o‘tdi. 

Kun tartibida Oʻzbekiston Respublikasi Prezidentining 2025-yil 15-maydagi
PQ-184-son qarorining tumanda ijrosi, hududlarda atrof-muhit holatini
yaxshilash, ekologik barqarorlikni taʼminlash, sohada korrupsiyaviy
holatlarning oldini olish hamda “Yashil makon” umummilliy loyihasi doirasida
amalga oshirilayotgan ishlar yuzasidan tuman ekologiya va atrof-muhitni
muhofaza qilish boʻlimi tomonidan taqdim etilgan hisobot o‘rganildi va
atroflicha muhokama qilindi. 

Muhokamalar davomida komissiya a’zolari tomonidan sohada shaffoflikni ta’minlash, nazorat
mexanizmlarini kuchaytirish, aholining ekologik madaniyatini oshirish hamda
korrupsiyaga qarshi kurashish bo‘yicha aniq taklif va tavsiyalar ilgari
surildi. 

Yig‘ilish yakunida kun tartibidagi masalalar yuzasidan tegishli qaror qabul qilinib,
mas’ul tashkilotlarga aniq vazifalar belgilab berildi. 

Belgilangan topshiriqlarning ijrosini ta’minlash ustidan doimiy nazorat o‘rnatilishi qayd
etildi.