Xalq deputatlari Boyovut tumani Kengashining 2025-yil 18-sentabrdagi VII-15-97-9-123-K/25-sonli qarori ijrosini ta’minlash maqsadida “Olmazor” mahallasida amalga oshirilayotgan qurilish ishlari Kotibiyat mudiri Xusnara Berdiyarova, bosh mutaxassis Avazbek Sharopov hamda tuman Moliya bo‘limi rahbari o‘rinbosari Farruh Xudoynazarovlar tomonidan joyiga chiqib o‘rganildi.

Mazkur loyiha 2025-yil 2-mavsumida “Ochiq budjet” axborot portali orqali eng ko‘p ovoz to‘plab, g‘olib deb topilgan tashabbuslardan biri hisoblanadi. Unga ko‘ra, hududda usti yopiq futbol va voleybol maydonini barpo etish uchun 1 450 000 000 so‘m mablag‘ ajratilgan bo‘lib, loyiha ijrosi alohida nazoratga olingan.

O‘rganish jarayonida aniqlanishicha, 2025-yil 20-yanvar kuni tuzilgan shartnomada belgilangan tartibga muvofiq 208 mln so‘m mablag‘ “BARAKA QURILISH SERVIS” MCHJ hisob raqamiga avans to‘lovlari o‘tkazilgan. Biroq, quruvchi tashkilot tomonidan ishlar yetarli darajada jadallashtirilmaganligi, qurilish jarayonlarida sustkashlikka yo‘l qo‘yilgani sababli belgilangan ishlar to‘liq amalga oshirilmay, jarayonlar sekinlashgani kuzatildi.