👩‍💼 Mahallalarda xotin-qizlar faollari ish samaradorligi tahlil qilindi!

Xalq deputatlari Nurafshon shahar Kengashi deputatlari K.Umarboyev va A.Churatayevalar tomonidan #mahallalardagi_xotin-qizlar_faollari tomonidan amalga oshirilayotgan ishlar samaradorligi joyiga chiqqan holda o‘rganildi.

Monitoring davomida asosiy e’tibor quyidagi ustuvor vazifalarga qaratildi:

🔹 Ro‘yxatga kiritilgan xotin-qizlarning muammolarini hal etish, ularga huquqiy, psixologik va moddiy yordam ko‘rsatish holati;

🔹 Ishsiz ayollarni kasb-hunarga o‘qitish, tadbirkorlikka yo‘naltirish va subsidiyalar ajratish borasidagi ishlar natijadorligi;

🔹Oilalardagi nosog‘lom muhitni sog‘lomlashtirish, tazyiq va zo‘ravonlikka uchragan ayollar bilan manzilli ishlash hamda ajrimlarning oldini olish choralari.

O‘rganish yakunida faoliyat samaradorligini yanada oshirish, aholi bilan qayta aloqa tizimini kuchaytirish hamda aniqlangan kamchiliklarni qisqa muddatlarda bartaraf etish bo‘yicha mas’ullarga tegishli tavsiya va ko‘rsatmalar berildi.