13-BAND IJROSI: Boshqaruv kompaniyalari faoliyati o‘rganildi
Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 13-bandi ijrosini ta’minlash maqsadida deputat O. Shukurov tomonidan Po‘latchi mahallasida o‘rganish ishlari olib borildi.
🔎 O‘rganish davomida hududda faoliyat yuritayotgan boshqaruv kompaniyalarining ish samaradorligi, ko‘p qavatli uy-joylarga xizmat ko‘rsatish sifati, obodonlashtirish va hududni saqlash bo‘yicha amalga oshirilayotgan ishlar holati ko‘zdan kechirildi.
🗣 Shuningdek, aholi bilan suhbatlashilib, boshqaruv kompaniyalari tomonidan ko‘rsatilayotgan xizmatlar yuzasidan fuqarolarning fikr-mulohazalari, murojaat va takliflari o‘rganildi.
📌 Aniqlangan muammolarni bartaraf etish, xizmatlar sifatini oshirish hamda boshqaruv kompaniyalari faoliyati samaradorligini yanada yaxshilash bo‘yicha tegishli tashkilotlar bilan hamkorlikda ish olib borilishi belgilandi.
Deputatlik nazorati — aholi manfaatlarini himoya qilish va xizmatlar sifatini oshirishning muhim vositasidir.