Termiz tuman hokimi, Xalq deputatlari Termiz tuman Kengashi 9-Namuna saylov okrugi deputati Sh. Kalandarov MTT faoliyati bilan tanishdi

Termiz tuman hokimi, Xalq deputatlari Termiz tuman Kengashi 9-Namuna saylov okrugi deputati Sh. Kalandarov o‘zi saylangan hududda joylashgan maktabgacha ta'lim muassasasiga tashrif buyurib, unda yaratilgan shart-sharoitlar bilan yaqindan tanishdi.

Mazkur o‘rganishlarda Xalq deputatlari Termiz tuman Kengashi raisi S. Nazarov hamda tuman Kengashi kotibiyati mutaxassisi K. Abdullayeva ham ishtirok etdi.

Tashrif davomida muassasadagi ta'lim-tarbiya jarayonini tashkil etish, tarbiyalanuvchilar uchun yaratilgan qulay sharoitlar, guruh xonalari, yotoqxona va o‘yin maydonchalari, sanitariya-gigiyena holati hamda oshxona faoliyati atroflicha ko‘zdan kechirildi.

Shuningdek, bolalar uchun tayyorlanayotgan oziq-ovqat mahsulotlarining sifati, ovqat tayyorlash jarayonida sanitariya qoidalariga rioya etilishi, oziq-ovqat mahsulotlarini saqlash sharoitlari hamda kunlik taomnoma talablar asosida tashkil etilgani o‘rganildi.

Tashrif yakunida muassasa faoliyatini yanada takomillashtirish, bolalar uchun xavfsiz va zamonaviy ta'lim muhitini yaratish, sanitariya-gigiyena talablariga qat'iy rioya etish hamda ta'lim sifatini oshirish yuzasidan mas'ullarga tegishli tavsiya va topshiriqlar berildi.