Shu maqsadda Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda Kengash kotibiyati bosh mutaxassisi A.Temirovlar 9-“Abdulla Avloniy” saylov okrugi hududidagi “Turon” mahallasida fuqarolar qabuli o‘tkazdilar.

Qabul davomida mahalla aholisi tomonidan bildirilgan murojaat, taklif va muammolar atroflicha tinglandi. Fuqarolar tomonidan asosan ijtimoiy, kommunal, obodonlashtirish, bandlik, infratuzilma hamda boshqa masalalar yuzasidan murojaatlar bildirildi.

Har bir murojaatga individual yondashilib, ko‘tarilgan masalalarning mazmuni, mavjud muammolarning kelib chiqish sabablari va ularni hal etish imkoniyatlari muhokama qilindi.

Ayrim masalalar yuzasidan tegishli tashkilot va mutasaddi rahbarlarga vazifalar belgilash, murojaatlarni amaldagi tartibda ko‘rib chiqish hamda fuqarolarga qonuniy yechim topishda amaliy ko‘mak ko‘rsatish zarurligi qayd etildi.

Shuningdek, murojaatlarning ijrosini nazoratga olish, mas’ul tashkilotlar bilan hamkorlikni yo‘lga qo‘yish va fuqarolarni murojaatlarining natijasi haqida belgilangan tartibda xabardor qilish masalalariga alohida e’tibor qaratildi.

Fuqarolar qabuli — muammolarni joyida aniqlash, aholining talab va takliflarini bevosita eshitish hamda ularni hal etish bo‘yicha aniq choralarni belgilashning muhim vositasidir.