Xalq deputatlari Shirin shahar Kengashi deputati D. Azizbayev tomonidan shahardagi Axborot-kutubxona markazi faoliyati o‘rganildi.

O‘rganish davomida markazda kitobxonlarga ko‘rsatilayotgan xizmatlar, mavjud adabiyotlar fondi, o‘quvchilar va yoshlar uchun yaratilgan shart-sharoitlar hamda axborot-resurslardan foydalanish imkoniyatlari ko‘zdan kechirildi. Shuningdek, markaz xodimlari bilan suhbat o‘tkazilib, mavjud muammolar, taklif va ehtiyojlar tinglandi.

O‘rganish jarayonida markazning ayrim bo‘limlarida yangi badiiy, ilmiy va o‘quv adabiyotlariga ehtiyoj mavjudligi aniqlandi. Mazkur masala saylovchilar muammolarini ro‘yxatga olish kitobiga qayd etilib, muammoni tegishli tartibda o‘rganish va ijobiy hal etish yuzasidan mas’ullarga takliflar bildirildi.

Aniqlangan masalalarni bartaraf etish orqali axborot-kutubxona xizmatlari sifatini yanada oshirish, kitobxonlar uchun qulay shart-sharoitlar yaratish hamda yoshlarning kitobxonlikka bo‘lgan qiziqishini kuchaytirish muhimligi ta’kidlandi.