Xalq deputatlari Shirin shahar Kengashi deputatlari M. Salimova va D. Azizbayevalar tomonidan Shahar musiqa va san’at maktabi faoliyati o‘rganildi.

O‘rganish davomida ta’lim jarayonining tashkil etilishi, o‘quvchilarning bo‘sh vaqtini mazmunli tashkil etish, to‘garaklar faoliyati hamda maktabdagi mavjud shart-sharoitlar atroflicha ko‘rib chiqildi. Shuningdek, o‘qituvchilar va o‘quvchilar bilan suhbatlashilib, ularning taklif va mulohazalari tinglandi.

O‘rganish jarayonida maktabdagi ayrim musiqa asboblari va o‘quv jihozlarining eskirgani, ularni yangilash va zamonaviy jihozlar bilan ta’minlash zarurati mavjudligi aniqlandi.

Aniqlangan mazkur muammoni bartaraf etish, ta’lim jarayoni uchun zarur shart-sharoitlarni yanada yaxshilash hamda o‘quvchilarning ijodiy salohiyatini rivojlantirish bo‘yicha tegishli choralar ko‘rish yuzasidan mas’ullarga tavsiyalar berildi.