Mirzo Ulug‘bek tumanining “Minglola” mahallasida Xalq deputatlari Mirzo Ulug‘bek tumani Kengashi deputati, O‘zbekiston Ekologik partiyasi a’zosi Shuxrat Fayziyev fuqarolar bilan uchrashib, suhbatlar o‘tkazdi.

Muloqot tarzida o‘tgan uchrashuvda fuqarolar tomonidan 20 ga yaqin murojaat va takliflar bildirildi. Asosiy murojaatlar kommunal xizmatlar, ijtimoiy masalalar, bandlik hamda huquqiy masalalarga oid bo‘ldi.

Bo‘lib o‘tgan uchrashuvlar jarayonida ayrim muammolar joyida hal etildi, bir qator murojaatlar yuzasidan fuqarolarga huquqiy tushuntirish va tavsiyalar berildi. Qo‘shimcha o‘rganish talab etuvchi masalalar esa nazoratga olinib, ular bo‘yicha tegishli tashkilotlarga deputatlik so‘rovlari yuboriladigan bo‘ldi.

Ta’kidlanganidek, bunday sayyor qabullar aholi bilan ochiq muloqotni kuchaytirish va hududlardagi muammolarni tizimli hal etishga xizmat qiladi.