Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni o‘z vaqtida hal etish, fuqarolarga zarur amaliy yordam ko‘rsatish masalalari yuzasidan tegishli choralar ko‘rildi.

Xususan, Shohruhobod ko‘chasi 41/2-uyda yashovchi Sh.Masharipovning holati ham o‘rganildi. Ma’lum bo‘lishicha, fuqaro probatsiya nazoratiga olingan bo‘lib, uning ijtimoiy moslashuvini ta’minlash, hayotida ijobiy o‘zgarishlarga erishish hamda qayta huquqbuzarlik sodir etishining oldini olish maqsadida unga murabbiy biriktirilgan.

Uchrashuv davomida fuqaro bilan individual ishlash, uni qo‘llab-quvvatlash, bandligi va ijtimoiy moslashuviga ko‘maklashish, shuningdek, murabbiy tomonidan olib borilayotgan ishlarni tizimli tashkil etish masalalari muhokama qilindi.

Mazkur masala deputat N.Shomatov nazoratiga olinib, tegishli mas’ul tashkilotlar bilan hamkorlikda fuqaro bilan profilaktik va tarbiyaviy ishlarni davom ettirish, uning jamiyatga moslashuvini qo‘llab-quvvatlash bo‘yicha zarur choralarni ko‘rishga kelishib olindi.

Xalq deputatlari Qo‘qon shahar Kengashi