Chilonzor tumanida “Mahallada obodlik va mehr-sahovat oyligi” hamda “Dolzarb qirq kunlik” doirasida hududlarni obodonlashtirish, sanitariya holatini yaxshilash va mahallalarda tozalikni ta’minlashga qaratilgan hashar tadbirlari davom etmoqda.
Navbatdagi obodonlashtirish hashari “Xirmontepa” mahallasida tashkil etilib, unda Xalq deputatlari Chilonzor tumani Kengashi deputati Mavlonov Azam Qarshiyevich ham faol ishtirok etdi.
Hashar davomida mahalla hududidagi ko‘chalar va umumiy foydalanish joylari tartibga keltirilib, hududni obodonlashtirish, tozalash hamda sanitariya holatini yaxshilash bo‘yicha amaliy ishlar olib borildi.
Tadbirda mahalla faollari va aholi vakillari ham ishtirok etib, hudud obodligi va tozaligini ta’minlashga o‘z hissalarini qo‘shdilar.
Obod mahalla — farovon hayot garovi!