#_deputat_faoliyati
#_24_ta_masala
#_kotibiyat_xodimi_faoliyati
Fuqarolar murojaatlari manzilli o‘rganilib, deputatlik nazorati o‘rnatildi

Xalq deputatlari Sariosiyo tumani Kengashiga “15-Tepakchinor” saylov okrugidan saylangan deputat, tuman Kengashi kotibiyati bosh mutaxassisi N.Xamdamova “Terakzor” mahallasida istiqomat qiluvchi fuqarolar bilan manzilli uchrashuv o‘tkazdi.

Uchrashuv davomida aholining murojaatlari, ijtimoiy-maishiy muammolari va ularni qiynayotgan masalalar batafsil o‘rganildi. Fuqarolar tomonidan bildirilgan murojaatlarning ayrimlari joyidayoq hal etilgan bo‘lsa, qo‘shimcha o‘rganish va mas’ul tashkilotlar aralashuvini talab etadigan masalalar bo‘yicha tegishli chora-tadbirlar belgilab olindi.

Shuningdek, yechimi muddat va mas’ul tashkilotlarning amaliy choralarini talab etadigan murojaatlar deputatlik nazoratiga olindi. Ularning ijobiy hal etilishini ta’minlash maqsadida mas’ul idora va tashkilotlarga tegishli tavsiya hamda topshiriqlar yuzasidan ish olib borilishi belgilandi.

Deputat tomonidan fuqarolar murojaatlarini o‘rganish va ularning qonuniy manfaatlarini himoya qilish borasidagi ishlar izchil davom ettiriladi.