Xalq deputatlari Chilonzor tumani Kengashi deputati Mavlonov Azam Qarshiyevich tomonidan “Xirmontepa”, “Kichik Xirmontepa” va “Shuhrat” mahallalarida istiqomat qiluvchi, “Ayollar daftari”ning 7-bosqichiga kiritilgan xotin-qizlar bilan uchrashuv hamda davra suhbati tashkil etildi.
Uchrashuv davomida xotin-qizlarning murojaatlari, mavjud muammolari va ularni hal etish masalalari yuzasidan fikr almashildi.
Shuningdek, oliy toifali psixolog Turgunova Mavjuda Usmonovna tomonidan “Ayollar daftari”ning 7-bosqichi 4.1-toifasiga kiritilgan xotin-qizlar uchun psixologik trening o‘tkazildi. Trening davomida ishtirokchilarga ruhiy barqarorlikni mustahkamlash, o‘ziga bo‘lgan ishonchni oshirish hamda turli hayotiy vaziyatlarni yengib o‘tish bo‘yicha amaliy tavsiyalar berildi.
Bunday uchrashuv va treninglar xotin-qizlarni qo‘llab-quvvatlash, ularning muammolarini o‘rganish hamda ijtimoiy-psixologik ko‘mak ko‘rsatishda muhim ahamiyat kasb etadi.