Maktabning yangi o‘quv yiliga tayyorgarligi o‘rganildi

Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich “Ekspert guruhi” a’zosi bilan birgalikda Taxiatosh tumani Maktabgacha va maktab ta’limi bo‘limiga qarashli 16-sonli umumiy o‘rta ta’lim maktabining yangi o‘quv yiliga tayyorgarlik holatini o‘rgandi.

🏫 O‘rganish davomida maktabdagi o‘quv jarayonini tashkil etish uchun mavjud sharoitlar ko‘zdan kechirilib, qayta ta’mirlash zarurati mavjud bo‘lgan sinf xonalari alohida ko‘rib chiqildi.

🔍 Aniqlangan holatlar yuzasidan mas’ullar bilan fikr almashilib, ta’lim muassasasini yangi o‘quv yiliga munosib tayyorlash, mavjud kamchiliklarni bartaraf etish hamda o‘quvchilar uchun qulay sharoit yaratish masalalariga e’tibor qaratildi.

📋 O‘rganish natijalari bo‘yicha tegishli taklif va tavsiyalar shakllantirilib, aniqlangan masalalarni hal etish yuzasidan ishlarni davom ettirish belgilandi.