O‘rganishlar davomida Xalq deputatlari Termiz shahar Kengashi raisi, deputat D.Normuradova, Kengash kotibiyati mudiri, deputat A.Ashurov, Kengashning 21-“Jo‘yjangal” saylov okrugi deputati G.Xudaykulova hamda kotibiyat bosh mutaxassisi R.Mamashukurov “Amu sohillari” mahallasida yangi tashkil etilayotgan tadbirkorlik subyektlaridan birining faoliyati bilan tanishdilar.

🟢Xususan, mahallada fuqaro tomonidan o‘z mablag‘lari hisobidan tibbiyot punkti tashkil etilayotgani bilan tanishildi. Mazkur tashabbus mahalla aholisi uchun tibbiy xizmatlardan foydalanish imkoniyatlarini yanada kengaytirish, zarur tibbiy ko‘rik va maslahatlarni yashash hududiga yaqin joyda olish uchun qo‘shimcha qulaylik yaratishga xizmat qiladi.

🟢Tanishuv davomida tibbiyot punktining tashkil etilishi jarayoni, yaratilayotgan shart-sharoitlar, kelgusida ko‘rsatilishi rejalashtirilayotgan tibbiy xizmatlar hamda aholi uchun qulayliklarni oshirish masalalari yuzasidan fikr almashildi.

🫥Shuningdek, fuqarolarning bunday tashabbuslarini qo‘llab-quvvatlash, tadbirkorlik faoliyatini rivojlantirish va aholiga xizmat ko‘rsatish sifatini oshirish masalalariga alohida e’tibor qaratildi.