#deputat_faoliyati
#deputat_okrugida
#nazorat_tahlil

“Navro‘z” mahallasidagi 22-sonli maktabning yangi o‘quv yiliga tayyorgarligi o‘rganildi

Xalq deputatlari Qiziriq tumani Kengashiga 7-Navro‘z saylov okrugidan saylangan deputat K.Umirov o‘zi saylangan saylov okrugi hududidagi “Navro‘z” mahallasida joylashgan 22-sonli umumta’lim maktabida bo‘lib, ta’lim muassasasining yangi o‘quv yiliga tayyorgarlik holati bilan tanishdi.

O‘rganish davomida maktabning o‘quv jarayonini yangi o‘quv yilida tashkil etishga tayyorgarligi, sinfxonalar va mavjud sharoitlar, obodonlashtirish hamda ta’mirlash ishlari holati ko‘zdan kechirildi. Shuningdek, o‘quvchilar uchun yaratilayotgan sharoitlar va ta’lim muassasasining mavjud ehtiyojlari yuzasidan mas’ullar bilan fikr almashildi.

Aniqlangan masalalar yuzasidan tegishli tavsiya va takliflar bildirilib, maktabning yangi o‘quv yiliga tayyorgarligini sifatli yakunlash bo‘yicha ishlarni davom ettirish belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram