Uchrashuvda xalq deputatlari viloyat Kengashi kotibiyati mudiri
Sh. Boyqulov, xalq deputatlari tuman Kengashi raisi O'tkir Xoshimov, tuman Kengashi kotibiyati mudiri Sh.Abdusamatov  hamda tuman tibbiyot birlashmasining mas’ul xodimlari ishtirok etdi.
Muloqot davomida Arslonboyli mahallasi fuqarolari tomonidan Buyrabob oilaviy shifokorlik punktini EKG va UZI apparatlari hamda tez tibbiy yordam avtomashinasi bilan ta’minlash masalasi ko‘tarildi. Uchrashuvning fuqarolarga manfaatli o'tganligining yana bir jihati deputat Abdusamad Norqobilov tibbiyot vakili ya'ni Respublika shoshilinch tez tibbiy yordam markazi Surxondaryo viloyati filiali direktori hisoblanadi.
Mazkur murojaat yuzasidan deputat tomonidan tegishli vazirlik va idoralarga deputatlik so‘rovi yuborilishi ta’kidlandi.
Shuningdek, tashrif davomida mahalladagi ichki yo'llar infratuzilmasi, mavjud holat va mahalla mas’ullarining faoliyati o‘rganilib, ishlar samaradorligini oshirish hamda aholi murojaatlarining o‘z vaqtida hal etilishini ta’minlash yuzasidan tegishli tavsiya va ko‘rsatmalar berildi.
Fuqarolar bilan bunday ochiq muloqotlar hududlarda mavjud muammolarni joyida aniqlash, ularning yechimi bo‘yicha amaliy choralarni ko‘rish hamda aholi manfaatlarini ta’minlashga xizmat qilmoqda.