Xalq deputatlari Parkent tuman Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich tomonidan o‘zi saylangan okrug hududidagi “Bo‘ston” mahallasida faoliyat yuritayotgan soliq inspektorining zimmasiga yuklatilgan vazifalar ijrosi deputatlik nazorati tartibida ko‘rib chiqildi.Jarayon davomida deputat hamda mahalla soliq inspektori F.Hayriddinova hududdagi tadbirkorlik subyektlari
faoliyati bilan yaqindan tanishib, ularning faoliyatida uchrayotgan muammolar,soliq qonunchiligidagi yangiliklardan xabardorlik darajasi hamda tadbirkorlikni rivojlantirishga oid masalalar yuzasidan suhbatlashdi.Shuningdek, tadbirkorlarga amaldagi soliq islohotlari, soliq majburiyatlari, mavjud imtiyozlar hamda qonunchilikdagi so‘nggi o‘zgarishlar bo‘yicha batafsil tushuntirishlar berildi. Uchrashuv davomida ular o‘zlarini qiziqtirgan savollarga mutaxassislar tomonidan atroflicha javob olib, faoliyatlarini yanada samarali tashkil etish yuzasidan amaliy tavsiyalar bilan tanishtirildi.Ta’kidlanganidek, mazkur deputatlik nazorati tadbirkorlik subyektlarini har tomonlama qo‘llab-quvvatlash, ularning soliqqa oid huquqiy savodxonligini oshirish, soliq qonunchiligiga rioya etilishini ta’minlash hamda mahallalarda soliq intizomini yanada mustahkamlashga xizmat qiladi.