ДЕПУТАТ ИШТИРОКИДА БИЛАН МАҲАЛЛАДА ОБОДОНЛАШТИРИШ ИШЛАРИ ТАШКИЛ ЭТИЛМОҚДА
Халқ депутатлари Янгиқўрғон тумани Кенгаши депутати Садриддинов Маъруфжон ташаббуси билан сайлов округида жойлашган маҳаллада «Долзарб 40 кун» лойиҳаси доирасида кенг кўламли ободонлаштириш ишлари ташкил этилмоқда.
Мазкур тадбирлар маҳалла раиси, фаоллар ва аҳоли вакиллари иштирокида ҳамжиҳатлик асосида амалга оширилмоқда. Хусусан, кўчалар ва ариқ-зовурларни тозалаш, маиший чиқиндиларни белгиланган ҳудудларга олиб чиқиш, дарахт ва буталарни тартибга келтириш, ҳудудларни санитария жиҳатидан обод ҳолатга келтириш ишларига алоҳида эътибор қаратилмоқда.
Депутат томонидан амалга оширилаётган ишларнинг сифати ўрганилиб, маҳаллада озодалик ва ободликни таъминлаш, аҳоли учун муносиб ва қулай муҳит яратиш бўйича тегишли тавсиялар берилди.
Бундай хайрли тадбирлар маҳалла аҳлининг ҳамжиҳатлигини янада мустаҳкамлаш, ҳудудлар ободлиги ва экологик барқарорлигини таъминлашга хизмат қилади.