Aholi muammolarini tinglash, ularga oʻz vaqtida va samarli yechim topish — bugungi islohotlarning bosh mezonidir. Shu maqsadda Olmaliq shahar Xalq qabulxonasida fuqarolarning murojaatlari va takliflarini oʻrganish boʻyicha navbatdagi ochiq muloqot boʻlib oʻtdi.

Muloqotda shahar hokimi, hokim oʻrinbosarlari hamda tegishli korxona va tashkilot rahbarlari ishtirok etib, aholini qiynayotgan masalalarni birma-bir koʻrib chiqdilar.
Maʼlumot uchun: Qabul davomida fuqarolardan 60 dan ortiq murojaatlar kelib tushdi. Masalalarning asosiy qismi quyidagi sohalarga toʻgʻri keldi:

🛠 Kommunal xizmatlar (elektr, gaz, suv va issiqlik taʼminoti);

🏠 Uy-joy va kadastr masalalari;

💰 Moddiy yordam va ijtimoiy muhofaza;

🛣 Boshqa mahalla va hududiy infratuzilma muammolari.

🤝 Xalq deputatlari hamda hududiy okruglar integratsiyasi
Ushbu qabulning ahamiyatli jihatlaridan biri — Xalq deputatlari shahar Kengashi kotibiyat mudiri Sevar Qodirova hamda hududiy okruglardan saylangan deputatlarning faol ishtiroki boʻldi. Murojaatlarni oʻrganishga deputatlarning jalb etilishi har bir hududiy muammoni yanada chuqurroq tahlil qilish imkonini berdi.

📋 Natija
✅ 10 dan ortiq murojaat joʻyida qanoatlantirilib, oʻz yechimini topdi;
🔄 Qolgan barcha murojaatlar boʻyicha tegishli masʼul tashkilot rahbarlariga aniq topshiriq va muddatlar belgilab berildi;
Barcha ijroga yoʻnaltirilgan masalalar deputatlar tomonidan alohida nazoratga olindi.

Aholi bilan bunday yuzma-yuz muloqotlar shahrimizdagi mavjud muammolarni tezkor va samarali hal etishda muhim omil boʻlib xizmat qilmoqda.