Yig‘ilishga ishchi komissiya raisi, Xalq deputatlari Pastdarg‘om tumani Kengashi raisi B. Ochilov raislik qildi.

Unda ishchi komissiya a’zolari, jumladan deputatlar F. Turayev, O‘. Shukurov hamda tegishli tashkilot va idoralar rahbarlari ishtirok etdi.

Yig‘ilish davomida “Tashabbusli budjet”ning 2026-yil 2-mavsumini tashkil etish masalalari muhokama qilindi.

Xususan, fuqarolar tomonidan loyihalarni kiritish jarayoni 2026-yil iyul–avgust oylarida, loyihalarni saralash, targ‘ibot ishlari hamda ovoz berish jarayonlari esa 2026-yil avgust oyida amalga oshirilishi belgilandi.

Shuningdek, jarayonlarni ochiq, shaffof va amaldagi tartib-talablar asosida tashkil etish, aholi faolligini oshirish hamda loyihalarni sifatli shakllantirish bo‘yicha mas’ullarga tegishli vazifalar yuklatildi.