Xalq deputatlari shahar Kengashining Korrupsiyaga qarshi kurashish, xavfsizlik va davlat organlarida ochiqlikni ta’minlash masalalari bo‘yicha doimiy komissiyasi tomonidan davlat idoralari faoliyatining ochiqligi va qonuniyligini ta’minlash borasida tizimli o‘rganishlar olib borilmoqda.
Xususan, mazkur doimiy komissiya raisi Matluba Ashurovaga biriktirilgan hududiy tashkilot — shahar Adliya bo‘limi faoliyati tahlil qilindi.
O‘rganishda shahar Kengashi kotibiyatidan biriktirilgan vakil Sevara Qodirova tomonidan amalga oshirildi.

🔹Fuqarolarning huquqiy masalalardagi murojaatlarini ko‘rib chiqish muddati va sifati;
🔹Davlat xizmatlari ko‘rsatishda ortiqcha qog‘ozbozlik va sansalorlik holatlarining oldini olish choralari;
🔹Bo‘lim tomonidan amalga oshirilayotgan ishlar to‘g‘risida jamoatchilikni xabardor qilib borish va korrupsiyaviy xavf-xatarlarni bartaraf etish holati.
Muhim xulosa: O‘rganish davomida aniqlangan yutuq va kamchiliklar tahlil qilinib, bo‘lim faoliyati samaradorligini yanada oshirish, aholiga huquqiy yordam ko‘rsatish tizimini soddalashtirish bo‘yicha tegishli tavsiyalar ishlab chiqildi.
Mazkur o‘rganish natijalari Xalq deputatlari shahar Kengashining doimiy komissiya yig‘ilishida atroflicha muhokama qilinishi rejalashtirilgan. Davlat organlarining xalqqa xizmat qilishi va ochiqligini ta’minlash borasidagi deputatlik nazorati tadbirlari davom etadi.