SAYLOVCHILAR MANFAATI – DEPUTAT FAOLIYATINING USTUVOR YO‘NALISHI 

  Xalq deputatlari Quva tuman Kengashining 3-Yangichek saylov okrugidan
saylangan deputati Y.Axmadaliyev tomonidan Yangichek mahalla fuqarolar
yig‘inida saylovchilar bilan navbatdagi uchrashuvini o‘tkazdi. 

Uchrashuvda Kengash huzuridagi yoshlar maslaxat guruhi a’zosi I.Xomidov,
tuman tashkilotlari mas’ullari, “mahalla yettiligi” a’zolari, mahalla faollari
ishtirok etdilar. 

Muloqot davomida deputat tomonidan 2026-yilning birinchi yarim yilligida
amalga oshirilgan deputatlik faoliyati sarhisob qilinib, fuqarolar murojaatlari
bilan ishlash, deputatlik so‘rovlari yuborish, davlat organlari bilan
hamkorlikda muammolarni hal etish hamda saylov okrugi hududida olib borilgan
bunyodkorlik va ijtimoiy loyihalar yuzasidan batafsil ma’lumot berildi. 

Shuningdek, uchrashuv ochiq savol-javob tarzida davom etib, fuqarolar tomonidan ichki
yo‘llarni ta’mirlash, elektr ta’minotini yaxshilash, ichimlik suvi,
obodonlashtirish va boshqa dolzarb masalalar bo‘yicha taklif hamda murojaatlar
bildirildi. Har bir murojaat yuzasidan mas’ul tashkilotlar vakillari
ishtirokida muhokama o‘tkazilib, ularni hal etish bo‘yicha aniq chora-tadbirlar
belgilandi.