Xalq deputatlari Chilonzor tuman Kengashi deputati Kim Marina Melisovna tomonidan saylov okrugi hududida aholi murojaatlari asosida navbatdagi o‘rganish ishlari olib borildi.

O‘rganish davomida mahalla hududida avval futbol maydoni sifatida foydalanilgan sport maydonchasining bugungi kundagi holatiga alohida e’tibor qaratildi. Mazkur maydon uzoq vaqt davomida qarovsiz qolib ketgani, hudud obodonlashtirish va tartibga keltirishga muhtoj ekani aniqlandi.

Deputat tomonidan ushbu hududni qayta obodonlashtirish, mavjud imkoniyatlardan samarali foydalanish hamda uni aholi, ayniqsa, yoshlarning sport bilan shug‘ullanishi uchun qulay va xavfsiz maskanga aylantirish imkoniyatlarini ko‘rib chiqish zarurligi ta’kidlandi.

O‘rganish yakunlari bo‘yicha aniqlangan masalalarni tegishli mutasaddi tashkilotlar bilan birgalikda ko‘rib chiqish hamda hududni tartibga keltirish va sport maydonchasini qayta tiklash bo‘yicha amaliy choralar ko‘rish masalasi nazoratga olindi.

Aholi uchun munosib sharoit yaratish, yoshlarning bo‘sh vaqtini mazmunli tashkil etish va mahallalarda sport infratuzilmasini yaxshilash deputatlik faoliyatining muhim yo‘nalishlaridan biridir.