SAYLOVCHILAR MANFAATI – DEPUTAT FAOLIYATINING USTUVOR YO‘NALISHI 

  Xalq deputatlari Quva tuman Kengashining 1-Yuziya saylov okrugidan
saylangan deputati O.Olimov tomonidan Yuziya mahalla fuqarolar yig‘inida
saylovchilar bilan navbatdagi ochiq muloqot tashkil etildi. 

Uchrashuvda tuman tashkilotlari mas’ullari, mahalla yettiligi a’zolari,
nuroniylar, yoshlar hamda mahalla faollari ishtirok etdilar. 

Muloqot davomida deputat tomonidan 2026-yilning birinchi yarim yilligida
amalga oshirilgan deputatlik faoliyati sarhisob qilinib, fuqarolar murojaatlari
bilan ishlash, deputatlik so‘rovlari yuborish, davlat organlari bilan
hamkorlikda muammolarni hal etish hamda saylov okrugi hududida olib borilgan
bunyodkorlik va ijtimoiy loyihalar yuzasidan batafsil ma’lumot berildi. 

Shuningdek, uchrashuv ochiq savol-javob tarzida davom etib, fuqarolar tomonidan ichki
yo‘llarni ta’mirlash, elektr ta’minotini yaxshilash, ichimlik suvi,
obodonlashtirish va boshqa dolzarb masalalar bo‘yicha taklif hamda murojaatlar
bildirildi. Har bir murojaat yuzasidan mas’ul tashkilotlar vakillari
ishtirokida muhokama o‘tkazilib, ularni hal etish bo‘yicha aniq chora-tadbirlar
belgilandi. 

Yakunida deputat saylovchilar bilan doimiy muloqot olib borish, aholini qiynayotgan
muammolarni o‘z vaqtida o‘rganish hamda ularning yechimini ta’minlash
deputatlik faoliyatining asosiy ustuvor yo‘nalishlaridan biri ekanini
ta’kidlab, bildirilgan barcha murojaatlar shaxsiy va deputatlik nazoratiga
olinishi ma’lum qilindi.